TFF yampa likizo Haji Manara - VIDEO

Kamati ya nidhamu ya Shirikisho la Soka Tanzania (TFF), limemfungia kwa mwaka mmoja Afisa Habari wa Simba, Haji Manara kutojihusisha na masuala ya soka ndani na nje ya nchi pamoja na kulipa faini ya Sh 9 milioni.

Akisoma hukumu hiyo Kaimu mwenyekiti wa kamati ya nidhamu, Joseph Msemwa alitaja makosa matatu yaliyomtia hatihani Manara ni kosa la kukashifu, kutuhumu na kuidharirisha TFF katika mkutano wake na Wanahabari alioufanya Aprili 19, makao makuu ya Simba.

"Kosa la kwanza limemgharimu kiasi cha Sh.1 milioni, wakati la pili anatakiwa kulipa Sh.3 milioni na kosa la tatu atalipa kiasi cha Sh 5 milioni jumla ni Sh9 milioni," alisema Msemwa.

Kamati hiyo iliundwa na watu wanne chini ya mwenyekiti Kitwana Manara wengine ni kaimu Msemwa na wajumbe walikuwa ni Nassor Duduma na Kassim Dau.

Msemwa alisema rufaa ya Manara ipo wazi endapo akiona hajatendewa haki, huku akisisitiza mlalamikiwa huyo akiendelea kupuuza hukumu hiyo atapatiwa adhabu kali zaidi ikiwamo kufungiwa miaka saba kutojihusisha na soka ndani na nje ya nchi.

ABOUT BLOGGER INJILI HALISI MINISTRY

Hi! I am Zachary John Bequeker, from Mwanza Tanzania, East Africa.I'm a blogger of ZAKACHEKA NEWS LINE And ZAKKACHEKA INJILI.Contact me +255 625966236 / +255 758590489 or mail on zacharybequeker@gmail.com . Thanks!!!