Waumini wa Kanisa Katoliki Parokia ya Musoma Mjini wametoa msaada wa chakula kwa ajili ya sikukuu ya Pasaka kwa wafungwa na mahabusi wa Magereza ya Musoma mkoani Mara, ikiwa ni ishara ya upendo.
Akikabidhi msaada huo wenye thamani ya Sh662,000, kiongozi wa kanisa hilo, Dk Costa Mniko alisema lengo ni kutaka kushiriki pamoja sikukuu na kundi hilo maalumu.
Vyakula walivyokabidhi ni ng’ombe mmoja, mchele kilo 100, mafuta ya chakula ndoo ya lita 20, sabuni boksi mbili, vitunguu na chumvi. Pia walipeleka vitabu vya dini, msalaba na rozari 15.
Muumini, Flora Gerevas amesema kundi hilo linapaswa kufurahia sikukuu ya Pasaka kama wengine.
Akipokea msaada huo kwa niaba ya uongozi wa Magereza, Serapion Marara ameshukuru kwa moyo wa upendo ulioonyeshwa na waumini hao.
0 Post a Comment:
Post a Comment