19 Juni 2017
Ajali hiyo ilisababisha shimo kubwa kweny meli ya kijeshi
Meli hiyo kwa sasa imepelekwa huko Yokosuka
Marekani imetangaza majina ya wanajeshi wake 7 ambao waliuawa wakati meli yao iligongana na ile ya mizigo katika eneo la bahari ya Japan siku ya Jumamosi.
Wanjeshi hao walipatikana katika maneo yaliyokuwa yamefurika maji ndani ya meli hiyo ya kivita ya USS Fitzgerald.
Wanajeshi wengine watatu walijeruhiwa kwenye kisa hicho ambacho kilitokea karibu na mji wa bandari wa Yokosuka.
Wengi wa wanajeshi walikuwa wamelala wakati meli hizo ziligongana. Marekani inasema kuwa inafanya uchunguzi.
Wanajeshi hao waliripotiwa kutoweka baada ya ajali hiyo.
Kamanda wa meli ya kijeshi Joseph P Aucoin aliwaambai waandishi wa habari kuwa ajali hiyo ilisababisha shimo kubwa kwenye meli ya kijeshi.
Wanajehsi hao saba ni pamoja na:
- Dakota Kyle Rigsby, 19
- Shingo Alexander Douglass, 25
- Ngoc T Truong Huynh, 25
- Noe Hernandez, 26
- Carlos Victor Ganzon Sibayan, 23
- Xavier Alec Martin, 24
- Gary Leo Rehm Jr, 37
0 Post a Comment:
Post a Comment