11 Mei 2017
Mchungaji wa Kanisa la Ufufuo na Uzima, Josephat Gwajima amesema hakuwa anafahamu kuhusu mgogoro unaoendelea katika Chama cha Wananchi (CUF).
Gwajima baada ya kufanya mazungumzo na Katibu Mkuu wa CUF, Maalim Seif Sharif Hamad kanisani hapo Ubungo jijini hapa amesema hakuwa akiufahamu kwa undani mgogoro huo na baada ya kuelezwa sasa ataangalia cha kufanya.
Mchungaji huyo aliwaeleza waandishi wa habari jana (jumatano) kuwa Maalim Seif ni rafiki yake na alitaka kujua Profesa Ibrahim Lipumba (Mwenyekiti wa chama hicho anayetambuliwa na Ofisi ya Msajili wa Vyama vya Siasa) amepatwa na nini hadi akivuruge chama hicho.
Maalim Seif yeye amesema amezungumza kwa kina na Askofu Gwajima kuhusu mgogoro wa CUF na amemuacha atafakari akiamini baada ya hapo huenda akafanya jambo.
0 Post a Comment:
Post a Comment